voſtre matiere ſubtile : voire il s’enſuit que ce que vous definiſſez n’eſt point la Lumiere.
3. Le Soleil, & vne étincelle de feu, ou vn ver luiſant, illuminent d’vne meſme façon. Or vne étincelle 5 ſe peut voir la nuit de cinq cens pas ſans lunettes ; & auec des lunettes de voſtre inuention, elle ſe verroit peut-eſtre de plus de cinquante lieues en l’air. Doncques cette étincelle aura la force de faire mouuoir localement, & ſelon vous en ligne droitte, toute 10 la matiere ſubtile contenue en vn globe d’air de cinquante lieuës de demy-diametre ; ce qu’aucun bon jugement n’admettra iamais, puis qu’on ſçait que toute matiere a de ſoy reſiſtance au mouuement local ; donc le Soleil n’illumine pas par le mouuement de la 15 matiere ſubtile. Et la comparaiſon de voſtre aueugle auec ſon baſton ne conuient point auec le mouuement de la matiere ſubtile, car vn baſton eſt continu d’vn bout à l’autre, & meſme dur & ſolide ; c’eſt pourquoy au meſme inſtant qu’on pouſſe l’vn de ſes 20 bouts, on pouſſe l’autre, & la main qui eſt à l’vn des bouts ſent au meſme inſtant la rencontre que fait l’autre bout de quelque corps qui luy reſiſte. Mais la matiere ſubtile n’eſt pas continuë, autrement tous les pores des corps, depuis le Soleil iuſques à nous, 25 ſeroient continus, quelque agitation d’air qu’il y euſt par les vens ; et de plus elle n’eſt pas dure & ſolide comme vn baſton : c’eſt | pourquoy il ne s’enſuit pas que la matiere la plus prochaine du corps lumineux eſtant muë, la plus éloignée le ſoit auſſi, & au meſme 30 inſtant. I’adjoute encore qu’vne étincelle ne pouuant
1 voire] même.
