Le texte de cette page a été corrigé et est conforme au fac-similé.
7
VI. — 1628.
Clarissimo Viro Domino *****.
Censura quarumdam Epistolarum
Domini Balzacij.
- Clarissime Domine,
- Quocunque animo legam has Epistolas, siue vt feriò
- examinem, siue magis vt oblecter, tantoperè mihi
- satisfaciunt, vt non modò nihil inueniam quod debeat
- reprehendi, sed ne quidem etiam in rebus tam bonis
- 5 facilè iudicem quid præcipuè sit laudandum. Est enim
- in illis puritas elocutionis, tanquam in humano corpore
- valetudo, quæ scilicet ex eo maximè credenda est
- optima, quòd nullum relinquat suî sensum. Est insuper
- elegantia & venustas, tanquam in perfectè formosâ
- 10 muliere pulchritudo, nempè quæ non in hâc aut
- illâ re, sed in omnium tali consensu & temperamento
- consistit, vt nulla designari possit eius pars inter cæteras
- eminentior, ne simul aliarum malè seruato proportio
- imperfectionis arguatur*. Sed veluti singulæ
- 15 pulchritudinis partes, inter næuos & defectus formarum
- quas videre consuenimus, facilè distinguuntur,
- atque harum nonnullæ interdum tantâ laude dignæ
- sunt, vt hinc optimè, quantò maiora essent formæ omnibus
- numeris absolutæ merita, si quæ talis reperiretur,
- 20 æstimemus ; non dispari ratione, si ad aliorum
- scripta mentem conuerto, plurimas sæpè in illis virtutes
- orationis enumero, nempè quorumdam vitiorum
- mixturâ distinctas. Et quoniam illæ etiam ibi suis laudibus
- non carent, hinc maximè percipio, quantò pluris