Cette page a été validée par deux contributeurs.
ORAISON POUR LA CRÈCHE
À TOUS LES BELLES NOS DAMES DE DOUAY
Riches et pauvres sont enfants de Gayant ;
Riches, donnez à vos frères…
Douq ! Douq ! ch’est pour chés p’tiots infans,
Rassennés din l’vill’ ed Gayant,
Comm’ des tiotes maguett’s din chés camps.
Si j’étos eunn’ saquoi tranquille,
J’viendros canter l’cloqué d’no’ ville ;
Mais ch’est fameus’mint difficile !
J’sus toudis comme un pauvre ogiau,
Les ailes in bas sur un lugiau,
Sans nid, sans mouron, sans tourtiau !
J’ai l’cœur poché plus gros que m’tiette,
Et j’intinds dir’, quand on me r’wiette :
« On diro que s’n’âm’ fait queuette. »