Cette page a été validée par deux contributeurs.
— 15 —
LA MÈRE
T’arring’ ben tout cha, fichu’ gueusse !
Te pri’ l’ bon Diu d’êt’ malheureusse.
Te fil’ ras pour chés p’ tiots martyrs.
LA FILLE
Ta miu ! J’sais filer ; ch’ n’est point l’ pir’.
LA MÈRE
R’wette un peo l’fille ed’ no’ vogenne :
Un l’vo’ brair’ comme un’ pauv’ Mad’lenne.
LA FILLE
Bon ! bon ! n’ faut point tant ll’acoutéi ;
All’ a ses morciaux à plantéi.
Je ll’ intinds rire au fond de s’ n’ ame ;
Ch’ est si biau d’ s’appeléi no dame !
LA MÈRE
Et t’n homm’ qui s’ra à tin cotéi,
Qu’il intindra ch’s infons criéi.
Cha n’est mi tout pur in fin chuque.
Gnia toudi pu d’eunn’ coss’ qui buque.
T’as biau l’ chuchei pou l’ trovéi bon,
Gnia pu des trô quarts d’amidon.
Après qu’un a tant fait l’mam’zelle.
Un fond comm’ du bur all’ païelle.
Ch’ n’est bentôt qu’un ogiau pou ch’ ca.
