Cette page a été validée par deux contributeurs.
DIALOGUE
LA FILLE
Pour à ch’co chi, Mèr’, chest asséi ;
Gnia trop d’escarbill’ intasséi :
Vlà l’timps v’nu, faut paier vô dette.
LA MÈRE
T’as toudis queuqu’ ogiau dins t’tiète.
LA FILLE
J’ai dix-neuf ans al’ Saint-Thômas.
LA MÈRE
Et quoich’ te veux dire aveuc châ ?
LA FILLE
Vous l’savez ben ; gnia point d’mystère :
À m’n ag’, vous parlot’ à min père.
Ainsin, j’veux dir’ qu’i m’faut mariei.
