<poem>
— 70 —
Volontier je serois encor, Ceste belle ceinture d’or Qui les flânez vous ceint et vous lye, Pour estroictement vous lyer, Et pour garder de m’oublier Non plus que je ne vous oublye.
Je vouldrois estre un oreiller, Afin de vous voir sommeiller; Et si vouldrois estre une mouche, Quand en esté vous sommeillez, Pour mieulx baiser les beaux oeilletz Qui sont autour de voftre bouche.
Je vouldrois estre transformé En quelque beau gand parfumé Pour baiser souvent à mon aise, De vostre main les doigtz poliz, Les doigtz molz & blancz comme liz Qui me font Dieu quand je les baise.
Je vouldrois estre le miroir Où vous vous esbatez a veoir Les beautez de vostre visage : Afin que je jouisse mieulx Des doux regards de vos beaux yeux, Dont vous m’enflammez le courage.
Voluntiers je serois aussi Le bust que vous portez ainsi Que sur l’esthomac on les porte, Afin que je fusse en ce poinct
