<poem>
— 38 —
Pren ce miroûer, & voy ta face, Voy tes cheveux, qui de leur place Sont tombez, restant seulement Un front pelé totalement. » Or quant à moy, je ne sçay pas Si mes cheveux tombez en bas Soyent ou non : mais je sçay fort bien Que le vieillard ne doit en rien Perdre un seul poinct de son plaisir, Mais plus tost haster le desir Qu’il a d’y faire son effort, D’autant qu’il est près de la mort. (Rémi Belleau.)
MÊME SUJET Des femmes suis appelé Vieillard tout chauve & pelé; Et me disent que je preigne Un mirouer, & que j’appreigne En me voyant sans cheveux, A n’estre plus amoureux. Or quant à moy, je n’ai cure De poil ne de chevelure. Si j’en ay ou n’en ay point, Ce soing guieres ne me poinct. Je n’ay ny ne veux avoir Autre cure, autre sçavoir
