<poem>
— 158 —
LES LOUANGES DE LA ROSE
Amy, je veux chanter l’honneur. L’honneur de ceste heureuse fleur, De ceste Rose printaniere, De ceste Rose familière Et compagne du temps fleuri, Si de toy je fuis favori.
O Rose a la fueille pourprée, Rose qui la bouche sacree Et la douce haleine des Dieux Combles d’un parfum gracieux : Rose des hommes les délices, Des Grâces les douces blandices, La favorite des Amours Fleurissans en leurs plus beaux jours Le baiser & la mignardise De Venus, la seule entreprise Et le soing des poètes vanteurs, La plante & faveur des neuf Sœurs : Mesme c’est chose gracieuse Par dedans la ronce espineufe De la cueillir & dans la main Luy voir espanir son beau sein.
C’est elle entre autres qui fleuronne Sur les tortis d’une couronne : C’est elle seule des festins L’honneur, & des sacres divins
