par vne ieune Sorciere nommee Gertrude qui auoit accointãce auec vn Demon par chacune nuict depuis l'aage de douze ans: toutes les Religieuses furent assiegees des malings esprits. Nous lisons aussi en Fernel au liure de Abditis rerum causis, qu'on le mena voir vn ieune Gentil homme demoniaque parlant Grec, encores qu'il fust sans lettres: and disoit à son pere qu'il ostast le collier de l'Ordre de son col, and l'esprit interrogé qui il estoit, dict que c'estoit vn personnage, qu'il ne vouloit pas nommer, qui l'auoit enuoyé dans son corps. On peut bien iuger que c'estoit l'vn de ses bons sujets non pas que Sathan ny tous les Sorciers ayent aucune puissance sur les hommes, si Dieu ne le permect: comme il est aduenu n'a pas long temps en Flandre vne chose estrange, and qui a depuis esté publiee par toute la Chrestienté. Anthoine Suquet, Cheuallier de l'Ordre de la Toison, and Conseiller du Conseil priué de Brabant, auoit vn bastard, qui auoit quelque temps au parauant que de s'estre marié, conuersé familierement auec vn autre femme, qu'on disoit estre Sorciere, laquelle estant jalouse d'vne ieune Damoyselle qui espousa le Gentil homme, fist en sorte auec Sathan, que la ieune Damoyselle fust saisie d'vn maling esprit, qui la tirassoit en pleine compagnie, and l'esleuoit en haut contre toute la puissance humaine, puis la iettoit ça and là. Lors qu'elle fut sur le poinct d'accoucher, pendant qu'on alloit querir la sage femme, la Sorciere que la Damoyselle craignoit and hayoit à mort, entra, and soudain la Damoyselle tomba pasmee and endormie and quelque temps apres elle se sentit deliuree de son Page 411
