Page:De la Démonomanie des Sorciers (1587).djvu/175

couuert. Voy la tout ce qu'il dict: mais la vraye intelligence est que le Roy signifie Dieu en tous les escrits de Salomon: l'oiseau signifie le diable, comme quand il est dit en Iob 28. que la sapience n'est pas és oiseaux du ciel, cest a dire és diables, cõme aussi quãd il est dit que les corbeaux du torrent creuerõt les yeux a celuy qui maudira son pere and sa mere: c'est que les dia bles esteindront la lumiere de celuy qui se mocque de Dieu, and de nature le lict signifie le corps où l'esprit repose: mais l'oiseau qui a des aisles, signifie l'Ange lequel descouure nostre pensee secrette comme le diable raporte les paroles. En cas pareil la loy de Dieu commande 0 de coupper le prepuce des cueurs: il n'y a poinct de prepuce au cueur, and seroit impossible de le coupper s'il y en auoit: Mais c'est à dire qu'il faut retrancher les mauuaises pensees, les appetits de vengeance, l'auarice and autres vices: qui est bien pour monstrer aux ignorans, qui ont blasmé la Cabale, que Dieu nous faict toucher au doigt, and monstre à veue d' il, qu'il ne faut pas s'arrester seulement au sens literal, puis qu'il est vray ce que dict l'Escriture, Litera occidit, Spiritus autem viuificat. Combien qu'il y a vn tresbeau passage5 en la loy de Dieu, qui le monstre assez sans cela, où il est dict, que Moyse estant descendu de la montagne, où il auoit demeuré quarante iours, and autant de nuicts, mist vn voile sur sa face, pour parler au peuple: and quand il retournoit parler à Dieu, il ostoit son voile, parce que le peuple ne pouuoit longuement -notes- 0Circucidite præputia cordiam vestrorum. 5Exod.ca.34. Page 190