façon de languette, pour mettre dans les ouuertures des heurtoirs & cheuilles de fer, afin de les tenir fermes & en eſtat.
Goutiere, ou platine. Eſpece de ferrure qui ſe met au bout de la groſſe entretoiſe d’vn affuſt à canon, couleurine & battarde ſeulement.
Gratoir. Ouſtil de fer à maſſon.
Grenade. Eſpece d’artifice de metal de cloche en forme ronde, garnie d’vne viz de fer ou cuiure percee où ſe met l’amorce lente, autour de laquelle grenade on met aucunefois balles de plomb ou pointes de fer, pour ſe creuant endommager dauantage l’ennemy.
Le cvr. Comme quoy ?
L’Avt. Elle ſe peut ietter en vn aſſaut, ou parmy l’infanterie & caualerie & fait grande execution quand elle eſt bien maniée. C’eſt pourquoy les Turcs voulans aſſieger par mer l’eſperon de ſainct Michel en l’iſle de Malte, le Grand Maiſtre enuoya diſtribuer par toutes les poſtes trente mil grenades & autres feux artificiels, & à ceux qui auoient eſté au ſiege de ſainct Elme, qui eſtoient gueris
