raiſon le nom de Vinea, qui eſt vn inſtrument fait de bois ſous lequel ſe mettoient les gens de guerre pour auec moins de danger approcher à rompre les murs d’vne ville, dont parle Vegece liure quatrieſme, chapitre XV. & que i’ay fait mention, en mon Arcenal chapitre XXV.
Le cvr. D’où prendroit donc ſon etymologie ce mot de gabion ?
L’Avt. Du mot Grec γαβεῖς, eminens, excelſum, ou du mot Hebrieu gab, ſignifiant le meſme & toute choſe eſleuée pour ſeruir de dos & ſe mettre à couuert. Que ſi on renuerſe le meſme mot en bag, backe, s’en trouuera formé en Anglois, dos.
Le cvr. De quoy & de quelle façon ſont les gabions ?
L’Avt. I’en ay fait vn chapitre à part qui eſt le ſuſdit XXV. de mon Arcenal. Pour ce qui eſt de la forme de ceux des Turcs, ie renuoye le Lecteur au X. chapitre de mes Recherches : mais en voicy d’vne autre façon. L’Hiſtorien Chalchondyle eſcrit que Tamberlan voyant que de viue force & du combat de la main, il ne pouuoit rien aduancer à la
