dictoit, prioit & mouroit tout enſemble, teſmoings ſes derniers vers. Meſſire Arnauld de Beaulne, Archeueſque de Bourges, & depuis de Sens, grand Aumoſnier de France, octogenaire, eſtudioit en la langue Hebraïque.
Le Cvr. Puis que c’eſt voſtre deſir que i’entende quelque choſe de voſtre Dictionaire, ie vous prie de commencer.
A
Acier. Prouient de ἀκὶς ſelon aucuns, mais ie trouue plus d’apparence de le déduire du Latin acies, & pour le meſme eſgard, aſſauoir pour ce que les poinctes de tous ouſtils de fer de gens de meſtier ſont acerées.
Le Cvr. Eſt-ce vne eſpece de metal.
L’Avth. Quelques vns le tiennent ainſi, & les autres l’en rejettent ; Voyez ce que i’en ay dit en mes Recherches, Chapitre II.
Le Cvr. D’où prouient le meilleur.
L’Avth. De Damas en Syrie, Hongrie
