Frette. Piece de fer ronde garnie de ſes clefs, crampons & clouds pour mettre aux moyeux des rouës des pieces d’artillerie, dont à chacun d’iceux de canon, couleurine & battarde en faut quatre, & à chacun des autres au deſſous, deux.
Fronteau de mire. Piece de bois ſeruant à mirer l’artillerie, eſtant de deux pieds & demy de longueur, d’vn pied & demy de hauteur, & demy pied d’eſpaiſſeur, pour ſe couurir & garantir de mouſquetades & arquebuzades. Il y a vne petite fente pour prendre mire & viſée, & le tient-on auec deux cheuilles de bois.
Fuſtailles, muids ou poinſons. Ils ſeruent à mettre boulets de pluſieurs ſortes & autres munitions.
G
Gabion. Ie n’en trouue point vn vray mot Latin, ſinon que Paradin parlant du ſiege de Rhodes, l’appelle Vas vimineum, ou que nous luy donnions par compa-
