France apres beaucoup de peine perduë en vn long ſiege, emporta la ville de Frenay, par le moyen du feu Grec que l’Empereur de Conſtantinople luy enuoya, & en bruſla l’armée nauale des Sarrazins. Il y en a qui appellent ce feu Grec, feu maritime, parce que ce feu eſt fort propre pour nuire à l’ennemy ſur mer, puis qu’il bruſle (l’eau de la mer luy ſeruant d’amorce.) Quant à ce qui concerne ceſte eſpece de feu Grec, ſa vertu eſt telle que le vinaigre ſeulemẽt le peut amortir. Liſez Segebert & Luitphprand. Paradin liure i. de l’hiſtoire de ſon temps, chap. VII. eſcrit que les Turcs faiſoient grand deuoir d’aſſaillir les Rhodiens auec feu gregeois & autres, & pour la grande quantité toute la ville en reſplandiſſoit. Leſdits Rhodiens n’en faiſoient pas moins de leur coſté, & ſe deffendoient plus vertueuſement qu’ils n’eſtoient aſſaillis : & euſt on veu les vns ſecoüans d’eux le feu gregeois eſtans à demy roſtis, & les autres percez à trauers le corps.
Fil de fer. Sert à lier les bouëttes de bois des lanternes, eſcouuillons & reffoul-
