le cvr. I’ay ouy dire que ſes effects ſont admirables ?
l’Avt. Il y en a d’vne ſort qui s’allume dans l’eau, que l’huile eſteint. On en fait vn autre qui iamais ne ſe peut eſteindre : Il s’attache ſi bien aux choſes qu’on ne l’en ſçauroit oſter, il bruſle l’erain, les pierres, murailles & meſme le fer : il rend vn bruit comparable au tonnerre, il renuerſe les maiſons de fonds en comble, il met ſans deſſus deſſous les rochers & les villes pareillement. On dit Qu’Amulius Romain, celuy qui voulut imiter le tonnerre, en fut le premier inuenteur : Aucuns tiennent qu’il fut inuenté en l’an ſix cens ſeptante neuf, & autres que ce fut en l’année ſix cens ſoixante quatre, & que l’inuenteur en fut Galliniche Architecte Syrien, qui s’eſtoit refugié à Rome : En fin les Romains bruſlerent les murailles des Sarrazins, & il fiſt d’eſtranges effects auſſi toſt qu’on le mit en vſage. Inger Roy de Ruſſie en vid bruſler preſque tous ſes nauires qui eſtoient en nombre de mil, au ſiege qu’il mit deuant Conſtantinople, en l’année neuf cens trente-ſix. Hugues Regent de
