qu’il faut employer tout le iour pour en faire le chemin. Il y en a quatre principales, dont l’vne eſt toute compoſée bas & haut d’erain, & les trois autres d’argent, or & eſmail, perles & pierres precieuſes.
Le cvr. Comme i’ay dit, ce metail à beaucoup paru entre les anciens.
L’Avt. Outre ce que deſſus les couuerture & plancher du Pantheon eſtoient d’erain, ſelon Pline liure trente-quatrieſme de ſon hiſtoire naturelle, chapitre III.
le cvr. Que veut dire Pantheon ?
l’Avt. C’eſtoit vn Temple à Rome, ainſi dit, ſuiuant le rapport de Dion l’Hiſtorien, de ce qu’aux figures & images de Mars & Venus poſées ſous ce Temple, les images de tous les Dieux y eſtoient comme repreſentées : ou bien qu’eſtant en rond & à la forme du Ciel, il auroit eſté reputé la demeure de tous les Dieux. Au ſurplus Marc Agrippale fit faire, & tous les chapiteaux d’erain de Sarragoſſe de Sicile, qu’il dedia à Iupiter Vengeur, à l’honneur d’Auguſte.
le cvr. Mais on ne fait plus mention
