pour ce qu’on les faiſoit de cuir. Abraham apres auoir eſté victorieux de cinq Roys, s’acheminant vers Melchiſedech Roy de Salem & grand Preſtre, eſtoit couuert d’vn habillement de cuir bouïlly, doré & enrichy de diuerſes figures, auec ſes braſſarts, cuiſſots & iambieres. Duquel genre d’habillement eſt venu le nom de nos cuiraſſes de fer.
Le cvr. Dans Pline, il y a vne autre ſorte de cuiraſſe, dont il ne me ſouuient.
L’Avt. C’eſt au liure neufieſme chapitre XXXV. où il dit : Iule Ceſar n’a point diſſimulé que ſa cuiraſſe de perles qu’il dedia à la mere Venus en ſon Temple, eſtoit faite de perles prinſes en la mer d’Angleterre.
Le cvr. Il les faudroit donc appeller ferraces & perleaces ?
L’Avt. Nous n’y pouuons rien innouer, puis que les mots ne ſont vſitez : car ſouuent la matiere & forme des choſes changées, ne perdent leur premier nom.
Cuiure. Eſpece de metal dont on fond les pieces d’artillerie, emboittures, petards, bouëttes à faire ſalves, poulies &