comme à eſquignon, à bizeau & à fermoir.
Clauettes de fer auec leurs cheuilles & chainettes. Pour ſerrer & tenir en eſtat les lymons auec l’affuſt lors de la conduite. Semble que le mot vient de clauis, clef, d’autant que leſdites clauettes ferment & ouurent leſdits lymons en entrant & ſortant dedans les mortoiſes d’iceux.
Cloud. Clauus en Latin, & eſt dit ainſi, quòd claudat figat atque contineat, de ce qu’il cloſt, attache & tient ferme. Il y en a de pluſieurs ſortes, comme à rouës de pieces d’artillerie, chariots & charettes, à happes, grands clouds à planche, & cloud broquette.
Coignee. Les plus grandes ſont ouſtils à charpentiers & charons : des petites, ils s’en ſeruent auſſi comme les pionniers à coupper arbriſſeaux & faſſines.
Le cvr. Ce ſont bien ouſtils de fer acerez, mais où il n’y a point de fer de quoy ſe ſert-on.
L’Avt. La nature y ſupplée ainſi qu’en autres choſes. Or ſi nous croyons Ant. Pigaſſette, & Pierre Martyr en ſon nouueau Monde, Decade premiere, chapi-
