jeſme de l’Ordre des Cheualiers Rhodiens, volume deuxieſme, eſt dit que le Cheualier Grammont l’an mil cinq cens ſoixante ſept, amena à Malte cinquante canonniers qui apporterent les martinets, engins propres à monter & démonter promptement les canons.
Cheuilles. Il y en a de fer pour tenir en eſtat les bandes des affuſts des pieces d’artillerie, autres pour les lymons, & d’vne autre ſorte pour les liens, ſus & ſous bandes, aux rouës des trois premieres eſpeces deſdites pieces.
Le cvr. Et pour les pauillons & tentes ?
L’Avt. Elles ſont de bois, pour les camper un vn ſiege & armée.
Chirurgie. Au train & ſuitte de l’artillerie, on a de couſtume faire mener pluſieurs drogues, medicamens & vſtanciles de Chirurgie, pour penſer les Officiers de ladite artillerie bleſſez en vne armée ou ſiege. Voyez ce que i’ay dit cy-deuant ſur le mot, Apoticairerie.
Cizeaux. Ouſtils à fondeurs auſſi appellez burins, à charpentiers charrons & armuriers, dont y en a de pluſieurs ſortes,
