de τειβολος, leſquels chardons, & les feuïlles d’vn certain arbre appellé Teda, & deſcrit par Pline liure ſeizieſme chapitre X. de ſon hiſtoire naturelle, ſont fort pointus & piquans.
L’Avt. Ce nom murices, eſtant interpreté en Grec tribolos, ſoit par la conformité du nom de ce chardon, ou de la choſe, cela ſuffit.
Cheure de bois. Engin lequel ſuiuant l’ancienne compoſition eſtoit de trois longues pieces de bois debout, iointes & aſſemblées au haut, s’eſlargiſſans par bas en triangle : & ſert ledit engin à leuer ſur tours & lieux de difficile accez, pierres & autres gros fardeaux, & meſmes pieces d’artillerie.
le cvr. Donnez moy à entendre les noms de chacune piece de ceſt engin.
l’Avt. Les aumaires, auches ou boites dans leſquelles entrent les deux bouts du moulinet ſont appellées chelonia, pour ce qu’elles ſont faites à la façon & ſemblance d’vne tortuë, & ledit moulinet trauerſé de barres ou leuiers, & autour duquel le chable s’entortille quãd on le tourne, eſt autrement appellé fuzée,
