pitre IV. & XXVIII. Strabon liure quatorzieſme : Iſidore liure dix-ſeptieſme chapitre VII. Abraham Ortel en la deſcription d’Eſcoſſe, & Georges Bruin en celle du Duché de Iuliers.
Le cvr. N’y a-il que de ces eſpeces de charbons cy deſſus ?
l’Avt. Ariſtote au liure de admir chapitre CX. fait mention d’vn charbon qui ſe faict auſſi de certaines pierres qui ſe treuuent au pays des Scythes & Medes, lequel eſt contraire à la nature des charbons qui ſe font de bois, car ſi on les meut & qu’on les ſouffle, ils s’eſteignent, au lieu qu’arroſées dans l’eau ils s’allument & rendent en bruſlant vne couleur de bitume que les ſerpens fuyent.
Chargeoir. Le tout eſt ainſi appellé eſtant garny d’vne lanterne de cuiure, hampe & deux bouëttes de bois aux bouts pour charger la poudre à canon de chacune piece d’artillerie.
Charette. À deux rouës ferrées auec ridelles hautes, pour mener tonneaux chargez d’ouſtils & autres munitions de ladite artillerie, & baſſes ridelles pour
