conſomme pas tant, on l’allume & apres on l’eſteint & met en reſerue pour le r’allumer vne autre fois.
le cvr. Mais où il n’y a bois ny charbon de meſme, comme ſe ſert-on de feu ?
l’Avt. Nature y a pourueu d’autre remede. Au Royaume de Catay vers les Antipodes, il y a vne ſorte de pierre en laquelle la meſme nature du charbon paroiſt : car auſſi toſt qu’on approche d’icelle vn charbon allumé, elle s’eſprend & petit à petit deuient ardente, & rend de la clarté la nuict ainſi qu’vn grand charbon allumé, eſchauſſant meſmes de ſon ardeur.
le cvr. Dites moy d’autres propietez des charbons.
l’Avt. Celuy de Genevre clos ſous la cendre, dure toute vne année.
Le cvr. C’eſt donc pourquoy Monſieur de Beze en fait mention en ſa Paraphraſe ſur le quatrieſme verſet du Pſeaume de Dauid, commençant, Ad Dominum cum tribularer clamaui, &c. qui eſt le 120. ſelon la verſion Hebrayque, & le 119. ſuiuant la commune.
