uant la bataille : comme il ſe void dans Herodian liure ſixieſme chapitre IV. & Appian au liure de la guerre Punique. Et meſmes les chefs Lacedemoniens ſe preparans au combat, ſacrifioient, ainſi qu’eſcrit Plutarque en la vie de Lycurgus. Meſmes l’hiſtoire tripartite teſmoigne que l’Empereur Conſtantin auoit touſiours vn tabernable en ſon armée, où il ſe retiroit offrant à Dieu ces prieres.
Charbon. En Latin Carbo. Il y en a de commun fait de bois, autre de terre és minieres pour les forges, & autre fait de ſaulx ou autre bois mol ſeruant à la compoſition de la poudre à canon, comme i’ay traité en mon Inſtruction & Arcenal chap. VII.
Le cvr. D’où prouient ce charbon de terre ?
l’Avt. Il y en a des minieres en certaines Prouinces, de mon pays d’Eſcoſſe, à Namur, Haynaut & autres lieux en Flandre, & porte-on ce charbon aux villes, & le vend-on comme le bois : Les habitans en vſent ainſi qu’on fait ailleurs des charbons eſteints, mais il ne ſe
