deux ceintures : le tout de toile, vne chazuble de velours garnie de ſon eſtolle & fanon, vne autre chazuble de trippe de velours noir, auſſi garnie de ſon eſtolle & fanon, vn corporalier noir auec ſon volet, & vn grand drap mortuaire de trippe de velours noir, garny de ſa Croix de ſatin blanc. Les principales pieces ſont enrichies des armoiries du Roy & de Monſeigneur le grand Maiſtre de l’artillerie.
le cvr. N’y a-il qu’au quartier de l’artillerie où ſe pratique tel ſeruice ?
l’Avt. Laiſſant à part le quartier de ſa Majeſté ou de ſon Lieutenant General, il n’y a pas iuſques aux Regimens & autres gens de guerre François & eſtrangers qui n’ayent leurs Chappellains & Miniſtres, pour faire prieres & adminiſtrer les ſaincts Sacremens.
le cvr. Cette couſtume eſt vrayement digne & loüable : mais d’où peut elle proceder ?
l’Avt. Elle a eſté pratiquée par les Empereurs & Capitaines Romains à leur mode, leſquels faiſoient ſacrifices tant à leur partement à la guerre, qu’a-
