ficiers de l’artillerie en vn ſiege & armée : Et pour ce il y a à la ſuitte vn Preſtre appellé Aumoſnier de ladite artillerie, gagé par mois des deniers d’icelle, outre ſes gages ordinaires.
le cvr. Nommez les eſpeces de ladite Chappelle.
l’Avt. Vne Croix, vn Ciboire, vn Calice auec ſa Platine, deux Chandeliers, deux Buirettes, vn Beneiſtier auec ſon goupilon, vne clochette, vne boëtte à mettre pain à chanter auec ſon couuercle ſeruant de Paix, & vn baſſin : Le tout doré par les garniſons & dans vn eſtuy ou petit coffre doublé & fermant à clef.
le cvr. Quels ſont les ornemens d’Autel & Sacerdotaux ?
l’Avt. Deux paremens d’Autel pour le haut & le bas, vn corporalier garny de ſon volet, vn oreiller : le tout de velours, deux rideaux de damas, vn voile de tafetas pour mettre ſur le Calice, vn corporau, vne pierre ſacrée, vn diurnal, vn Meſſel, nappes, voiles de corporalier, coëffes à mettre le Calice, petits mouchoirs à eſſuyer ledit Calice, ſeruiettes, deux amits, deux aubes, deux ſurplis,
