l’Avt. Ouy, de gros & longs pour tenir ponts à batteaux à paſſer riuieres, appellez autrement mailles, hunes ou cinquenelles : & d’autres pour mouffles & poullies à cheures de bois, ſeruans à enleuer pieces d’artillerie & autres peſans fardeaux, & autres pour nauires. Pierre Maffée en ſes hiſtoires des Indes liure ſeptieſme, dit qu’il y a certains habitans és Iſles Maldiues, leſquels manquans de pluſieurs choſes neceſſaires à la vie, ont au lieu de cela la Palme. Le premier bien qui en procede eſt au fruict meſme : Les Portugais l’ont nommé graine d’eſcarlatte ou noix Indique, grande preſque comme la teſte d’vn homme, ayant double couuerture, dont l’exterieure eſt liſſée au haut, & l’autre eſpoiſſe, ainſi qu’eſtouppes, & n’y a matiere plus ſouple & obeyſſante pour les chables de nauires, à reſiſter aux impetuoſitez de la mer que celle-là.
Chandelle de ſuif. On s’en ſert ainſi que i’ay cy-deuant dit ſur le mot, bougie.
Chappelle d’argent. Auec les ornemens d’Autel & Sacerdotaux ſeruans à celebrer le ſeruice diuin au quartier des Of-
