nemy en campagne, ou autrement. De ceſte ſorte les Turcs deuers Tripoli en Barbarie l’an mil cinq cẽs quarãte trois auces deux galions, l’vn de Sinam Rais, & l’autre de Mauſur Rais, qui auoient chargé en Alexandrie quelques marchandiſes pour armer trois galeotes de Barberouſſe aux Gerbes, rencontrerent certaines galeres de Malte, contre leſquelles ils laſcherent des inſtruments appellez lanternes, equippolans à nos cartouches, eſtans dans leurs canons, & verſoient vn tas de ferremens, cailloux & grauier ſur les Maltois.
le cvr. N’y en a-il que de fer ?
L’Avt. Il y en a detoille, où on met de la poudre à canon pour charger plus promptement icelles pieces, ainſi que firent les Turcs aux ſieges des places de Malte, chargeans leurs pieces à vne fois, auec vn ſac contenant la meſure d’vne charge entiere.
Caſque. On confond ce mot auec heaume, morion, cabaſſet, armet, & toute ceſte garniture de teſte. Or il deriue de Kaſda, Hebrieu, & Kaſida, en Chaldée, a formé caßida, en Latin au nominatif, & caßis, en
