Turc auoit entr’autres pieces d’artillerie des canons qui tiroient des boulets de dix palmes de rondeur, dont ne s’en trouuoit de tels en lieu du monde : ce qui donnoit grande eſpouuante aux Rhodiots, meſmes leur ſon s’eſtendoit iuſques à l’Iſle de Chaſteau-roux, cent mil loing de Rhodes.
Canonniere. Eſpece de tente de toille à deux maſts ſans murailles, pour repoſer les canonniers & mettre à couuert les munitions d’vne batterie en vn ſiege.
Caque. Κάδος en Grec, en Latin cadus, il y en a de pluſieurs grandeurs, tant pour mettre ſalpeſtre que poudre à canon, leſquels ſont couuerts d’autres qu’on nomme chappes.
Cartouches. Sont compoſées d’aſſez longues pieces de fer battu & deliées, ſe ſerãs enſemble & s’eſtroiſiſſans vers l’ouuerture, laquelle eſt liée d’vn menu cordage de la longueur des pieces d’artillerie, pour les retirer quand on veut : Dans leſquelles cartouches on met pluſieurs morceaux & dez de fer dont on charge leſdites pieces, ſoit pour deffendre vn aſſaut en vne breſche, tirer contre l’en-
