pitres de mon Inſtruction, & en mes Recherches chapitre XIX. où on aura recours & pour les autres eſpeces d’artillerie ſans en repeter dauantage.
Le cvr. Tout ce qui eſt dit canon, eſt-il d’vn meſme calibre ou forme.
l’Avt. Non, car en certaines Prouinces de Septentrion, outre l’ordinaire des canons qui ſont communément Spheriques & ronds, il y en a de qui la concauité & ſouſpirail eſt triangulaire, de maniere que le boulet qui en ſort eſt pareillement fait en triangle.
le cvr. Villamont liure troiſieſme de ces voyages chapitre XII. dit qu’en vne court du chaſteau du grand Caire de Babylone, on void vn canon nommé Touffa, d’eſmerueillable groſſeur, car vn homme tout entier peut entrer dedans & faut deux cens cinquante cheuaux pour le tirer.
l’Avt. Cela peut bien eſtre, veu que le Turc pour battre Malte l’an mil cinq cens ſoixante cinq, auoit cinquante doubles canons, tirans chacun quatre vingts liures. Et ceux qui ont eſcrit le ſiege de Rhodes, dient qu’en iceluy le
