appliqua la dexterité de ſon eſprit à faire ce taureau de bronze creux, pour faire bruſler là dedans les hommes que Phalaris voudroit faire mourir, afin que nul euſt compaſſion du patient, d’autant que le cry du tourmenté ſe bruſlant dedans, ſembloit eſtre vn mugiſſement de taureau.
Le cvr. Qu’elle recompense en eut-il ?
L’Avt. C’eſt que l’inuenteur meſme de ce cruel ſupplice l’eſſaya le premier : car Phalaris commanda qu’on bruſlaſt de ceſte façon le malheureux Perille.
Le cvr. Diuertiſſons nous par d’autres hiſtoires plus agreables.
L’Avt. Ie ne vous puis reciter que celle de Donatelly, la ſtatuë duquel montée ſur vn grand cheual, eſt eſleuée ſur vne haute maſſe de pierre, en vne grande & ſpacieuſe place deuant l’Egliſe ſainct Anthoine de Pade à Padouë, portant à ſa ceinture les petites ſtatuës de deux ſiens fils qu’il maſſacré pour auoir conſpiré contre leur patrie, le tout de bronze.
le cvr. Et que dites vous du cheual
