meſme choſe.
le cvr. Toutesfois pour m’en eſclaircir dauantage, recitez les diſcours & hiſtoires ſur chacun d’iceux & en ſon ordre.
l’Avt. Auant ce, ie diray que bronze vient de ὄεριξον, obrizum, quaſi ophirizum, de l’Hebrieu, Ophir, que quelques vns ont voulu eſtre par là ſignifié le fin or. Quant aux choſes plus releuées & priſées, elles ont eſté faites de bronze : Pline liure trente-ſixieſme, chapitre XXV. raconte qu’en ce magnifique theatre de Marcus Scaurus, il y auoit trois mil ſtatuës de bronze, poſées entre trois cens ſoixantes colomnes. À Rome, au Palais du Capitole, vn peu plus bas que l’Egliſe noſtre Dame Dara : de premiere abordée on void l’admirable chef-d’œuure d’vne belle ſtatuë, repreſentant l’Empereur Marc Aurelle monté ſur vn cheual, le tout de bronze doré, que les Venitiens ont deſiré auoir donnant ſon peſant d’or : Et entrant au Palais où le Senat ſe tient, on y void les ſtatuës de bronze doré du Dieu Hercules & ſon fils. En l’Egliſe ſainct Marc de
