l’Avt. Meſſire Simon Majole d’Aſt, Eueſque de Valtoure, en ſes iours caniculaires, liure dix-huictieſme eſcrit, ſelon que l’a rapporté Pierre Hiſpal : Qu’aux terres Neufues la nature a imité l’art, entant qu’en des vallées elle produit grande quantité de cailloux ſi parfaitement ronds, qu’on en vſe & s’en ſert pour mettre aux pieces & canons de guerre : car on en trouue de grands, moyens & petits. Pierre Martyr en la ſeptieſme Decade, chapitre VII. de ſon liure intitulé, Nouus Orbis, Nouueau Monde, dit qu’en l’Iſle ferdinande il y a vne montagne où ſe trouuent des boulets de pierre à canons & couleuerines, auec veines de quelque metal, ſi ronds qu’vn artiſan ſi expert qu’il ſoit, n’en ſçauroit former de ſi ronds, & dont pluſieurs furent preſentez à l’Empereur Charles le Quint, qui les fiſt mettre en reſerue & magazin.
Boulons de fer. Ils ſont à teſtes perduës ſeruans à mettre au trauers des affuſts pour les tenir en eſtat.
Bronze. Cuiure, airain, leton ſont mots ſinonymes, c’eſt à dire, ſignifians vne
