le cvr. Y auoit-il pas anciennement vn grand ſupplice à ceux qui delaiſſoient leurs boucliers ?
L’Avt. Par les loix Grecques, non qui laiſſoient l’eſpée, lance ou iaueline, mais le bouclier, eſtoient punis griefuement : Et les femmes Lacedemoniennes enuoyans leurs fils à la guerre, ſouloient leur encharger, ἢ σον τούτω, ἢ ἐπὶ τεότου. C’eſt à dire, auec ce, ou ſur ce, ſignifians ou qu’ils rapportaſſent leurs boucliers & eſcuſſons, ou que morts ils fuſſent rapportez ſur iceux. Les allemans auſſi reputoient vn grand des-honneur & forfait de laiſſer leurs pauois & boucliers, ainſi que rapporte Corneille Tacite en leurs couſtumes. C’eſt pourquoy, comme eſcrit ammian liure vingt cinquieſme, Epaminondas mourant demandoit, ſi ſon bouclier eſtoit ſauf.
Le cvr. Puis que telles ordonnances eſtoient. Il faut donc inferer, que ceux qui s’en ſeruoient bien eſtoient grandement recommandables.
L’avt. Ce qui a fait que Ceſar remunera & recompenſa dignement le Centenier Sæue, pour auoir ſon bouclier re-
