etymologies.
Bouclier. Ce mot eſt confus auec eſcut, eſcuſſon, pauois, rondache, & eſtoient anciennement faits de pluſieurs cuirs de beuf, comme en Ouide au commencement du 13. des Metamorphoſes :
Surgit ad hos Clypei dominus ſeptemplicis Aiax.
le cvr. Auſſi l’eſt-il bien en Latin.
l’Avt. Clypeus & ſcutum, ſignifient toute cette ſuite, horſmis que comme dit Iſidore, Clypeus eſt pour les gens de guerre à pied, & ſcutum, pour caualiers.
le cvr. Il me ſemble qu’il y a vne autre difference de ces deux mots clypeus & ſcutum.
l’Avt. C’eſt que le premier eſt rond, & parauenture eſtoit ceſte armure qu’anciennement portoient en guerre les gens de pied, appellee rondelle, parma ou orbis cauus, d’où peut eſtre dériué noſtre rondache : & le ſcutum eſtoit en long de quatre pieds, & de deux pieds & demy de large. De ce voyez Virgile au 8. des Eneides.
— — ſcutis protecti corpora longis.
Et tout le corps de long pauois ſe couure.