d’ailleurs ?
l’Avt. Ouy bien, aſſauoir de ce mot Latin, bis, & axt, ſignifiant en Allemand hache ou congnée, & delà on coniecture que les François ont dit bezaguë, comme double hache ou congnée, d’autant meſme que le mot Grec πέλεκυς ſignifie l’vn & l’autre.
Beſche, houë ou louchet. Ouſtil dont les pionniers ſe ſeruent pour fouyr & creuſer foſſez & tranchées.
Bigorne. Il y en a de pluſieurs ſortes & grandeurs propres à forgeurs, ſerruriers, armuriers & autres artiſans.
le cvr. Pourquoy l’appelle-on ainſi ?
l’Avt. C’eſt comme qui diroit biscorne, vne eſpece d’enclume ayant deux cornes ou bouts.
Bombarde. En aucuns pays ce nom eſt encores retenu ſignifiant toute ſorte d’artillerie, à cauſe dequoy les Italiens nomment leurs canonniers bombardieri.
le cvr. En France, le mot (artillerie) eſt plus en vſage.
l’Avt. Ce qui eſt vray pour les raiſons que i’ay deduites en mes Recherches, chapitre III. où tu trouueras auſſi leurs
