clarées ſur le nom (arquebuſe.)
Bandes de fer. Comme de deſſus & deſſous & autres à affuſts & rouës de pieces d’artillerie, chariots & charettes, dont on pourra voir le V. chapitre de mon Inſtruction.
Bandolieres. Auec leurs charges pour mouſquets, qui peuuent eſtre reduites à vn ſeul calibre ainſi que deſſus eſt dit.
Barils. Seruans à mettre poudre d’amorce & balles de plomb.
Barroir. Vn long tariere, foret ou vuïlle de Tonnellier, de quoy, on fait les trous à mettre les cheuilles qui tiennent la barre du fonds d’vn muid ou autre vaiſſeau.
Battarde. Eſt la troiſieſme eſpece d’artillerie du calibre de France, eſtant dériué de baſtard, que les Allemans ont transferé en leur langue aux choſes inanimées, appellans tout ce qui degenere ou qui ne conuient aſſez à la façon & nature d’autre, baſtard. Outre voyez ce que i’en ay dit en pluſieurs chapitres de mon Inſtruction, tant pour ceſte ſorte que des cinq autres eſpeces d’artillerie.
Bec-d’aſne. Outil ſeruant à charpentier,
