B
Balance. Bilanx en Latin, & ainſi ſemble qu’il ſoit compoſé de bis, deux, & lanx, eſcuelle ou baſſin, ou du Grec ταλαντον. Bilanza, en Italien, balança, en Eſpagnol, balance, en Flaman & Anglois, & l’Hongrois a retenu lanczos, en meſme ſignification.
le cvr. Y en a il de pluſieurs ſortes, & pourquoy ſeruir ?
l’Avt. Il y en a de grandes garnies de leurs fleaux de fer, plateaux de bois & cordage, pour peſer pieces d’artillerie & autres gros fardeaux : de moyennes ſeruans à peſer cuiure, fer, plomb, cordage & autres munitions : & de petites pour peſer à la main.
Balles de plomb. Pour arquebuzes à croc, mouſquets, arquebuzes à main & autres baſtons à feu. Pour le regard deſdits mouſquets & arquebuzes, ils ne deuroient auoir chacun qu’vn calibre, & par conſequent leurs propres balles, pour les raiſons que i’ay cy deuant de-
