ueau : Et Meſme il y en a telle qui a ſept concauitez, comme il ſe trouue au chaſteau ſainct Ange à Rome. Voyez ce que i’en dis plus amplement cy apres ſur le mot Canon.
le cvr. Mais ie ne ſçay d’où prouient que quelque enuieux de l’artillerie luy a donné attaque, diſant : Allez à mon cuiſinier, qu’il mette à la broche vne douzaine & demie de coups d’artillerie lardez auec infinis tronçons de piques & hallebardes, que i’ay rompuës en tant d’armées que i’ay ſurmontées en ce monde, & deux ou trois douzaines de mouſquets & piſtoles ſur le gril.
l’Avt. Ne vous amuſez point à ces bagatelles bien qu’elles ſoient imprimées, car c’eſt imprudence, & ne ſont que rodomontades Eſpagnoles.
Attelloires de fer. Sont cheuilles rondes qui ſe mettent dans les lymons des affuſts des pieces d’artillerie, chariots & charettes.
