partenoit le chaſteau.
le cvr. Vous m’auez dit qu’il y auoit ſix eſpeces du calibre de France, n’y en a il point d’autres façons ?
l’Avt. Pierre Maffée au ſixieſme liure de ſon Hiſtoire des Indes, recite que la fonte de l’artillerie eſt en tres-ancien vſage entre ceux des Sines, (que le vulgaire nomme auiourd’huy la Chine) & font les aucunes, à pieces ſeparées : tellement que deſmontées & miſes ainſi ſur des hommes ou beſtes de ſomme, ils les portent où ils veulent ſans aucun grand trauail. Paradin liure deuxieſme des hiſtoires de ſon temps, chapitre V. dit qu’en la deffaite, & fuite des bannis de Siene l’an mil cinq cents vingt ſix, ceux de la ville victorieux eurent toute l’artillerie, inſtrumens & munitions de leur camp, entre leſquelles pieces fut laiſſée vne d’horrible & prodigieuſe grandeur, appellée Chimere, laquelle les Sienois menerent en leur ville en grand honneur. Il y a d’autres pieces qui ont trois corps, & que par meſme moyen elles tirent trois coups l’vn apres l’autre, ſans qu’on les charge de nou-
