les ſoient difficiles à mouuoir. Or pour eſtre cenſée, la choſe faire portion de l’immeuble, non ſeulement eſt à conſiderer ſi elle eſt attachée par fer, cloud, cheuilles, ou matiere, mais auſſi ſi elle eſt miſe pour perpetuelle demeure. L. Fundi. §. Labeo. ff. de actionib. empt.
le cvr. Recitez-en ie vous prie quelques arreſts.
l’Avt. Par Arreſt du 13. Aouſt 1513. entre Gouffier, & Claude de Chamigny ſa femme, & Hugues de Iautrin, & Claude de Rouſſillon ſa femme, parauant veſue de Philippes de Chamigny, en ſon viuant ſieur de Saultour, eſt dit que quant à la groſſe artillerie appellée canons perriers, ils ſeront remis & reſtablis au chaſteau d’où ils auoient eſté tranſportez par la veſue : Et quant à la menuë artillerie, engins à main & arbaleſtres ſeront partagez comme meubles. Par autre Arreſt du ſeizieſme Feurier mil cinq cens quarante ſept, entre le Comte de Nanteüil & le ſieur de Baudicourt, l’artillerie du chaſteau de Vignory, fut iugée eſtre partie du fond, & qu’elle demeureroit à celuy auquel ap-
