l’Avt. Liſez les II. & III. Chapitres de mon Inſtruction, & le II. de mon Arcenal.
le cvr. Feu mon pere, vaſſal du defunct Dom Sebaſtien Roy de Portugal, ayant eſté prins priſonnier en la guerre des Mores en Barbarie, pour payer ſa rançon luy eſtoit neceſſaire vendre vn ſien chaſteau eſtant és frontieres dudit Portugal, à la reſeruation des pieces d’artillerie qui y eſtoient, comme les reputans meubles, à cauſe dequoy la vente ne reüſſit : c’eſt ce qui me fait vous prier m’eſclaircir de ceſte queſtion.
l’Avt. L’artillerie & autres engins ſeruans & deſtinez à la tuition & deffence d’vn chaſtel & place forte, appartiennent au proprietaire d’iceluy. Ainſi dient la Couſtume de Niuernois, des meubles, art. 10. Bourbonnois, art. 286. Berry des meubles, art. 4. & dit qu’ils ſont reputez immeubles : ainſi dient Laon, art. 102. & Touraine, art. 227. qui parle des groſſes pieces : dont reſulte qu’à cauſe de la deſtination, telles pieces ſont immeubles, car ſelon leur naturel, elles ſont meubles, combien qu’el-
