& batailles.
le cvr. Aucuns confondent ces mots ? (arquebuze & eſcopette.)
l’Avt. Il n’y a autre difference que de la longueur, groſſeur, & du calibre. Or puis que nous ſommes ſur ceſte diſtinction de calibre, i’ay apprins qu’il ſeroit bien requis de faire remonſtrance au Roy que d’oreſnauant tous les mouſquets n’auroient qu’vn calibre, & les arquebuzes vn autre ſeul, ſoit que ſa Majeſté en voulſiſt faire magazin, ou pour armer gens de pied : d’autant que comme on a de couſtume de faire mener & voicturer en vne armée des balles de plomb de pluſieurs ſortes de calibres, il eſt arriué qu’il ne s’en eſt trouué peu qui euſſent ſceu ſeruir à tant de diuerſitez d’arquebuzes & mouſquets.
Artillerie. Nom general que Paradin & autres ont nommé tormentum bellicum ou æneum, dont y en a ſix eſpeces du calibre de France, comme nous dirons cy apres.
le cvr. Qui en a eſté l’inuenteur, & d’où vient l’etymologie du mot, plus comment s’en fait la fonte ?
