poincte, qui monſtre la parade auoir touſiours eſté plus grande entre ces Barbares, que la vertu & le courage.
Arquebuze. Il y en a de pluſieurs ſortes : aſſauoir à croc, leſquelles ſont ordinairement de cuiure, à meſche, & à rouët.
le cvr. I’en ay ouy autrefois quelque lecture dans Polydore Vergile.
l’Avt. C’eſt au deuxieſme liure des Inuenteurs des choſes, chapitre vnzieſme, où il dit : Appellatur arcusbuſius à foramine, quo ignis in puluerem fiſtula contentum immittitur, nam Itali buſium vulgò foramen dicunt, & arcus, quòd inſtar arcus pugnantibus ſit. Quippè hodie huiuſmodi tormenti vfus in prim ſtatim pugnæ loco eſt, quem olim ſagitarijs dabant quùm à mißilibus præliari inciperent. Arquebuze, eſt ainſi appellée à cauſe du trou par lequel le feu du bacinet auant entre dans le canon : car les Italiens nomment vn trou, buſio : & arc, à cauſe qu’on s’en aide maintenant comme iadis on faiſoit des arcs à la guerre : veu que les Archers auoient le temps paſſé la premiere poincte, ainſi qu’à preſent ont les arquebuziers aux combats
