aucunement eſtre dictes deffenſiues, comme actions & paſſions relatiſues.
Le cvr. Et les armes ſimplement deffenſiues ?
L’Avt. Sont hauſſecols, cuiraſſes, braſſars, tacettes, corcelets, heaumes, caſques, morions, targes, rondaches, & boucliers, & ſont par accident offenſiues.
Le cvr. S’il arriue qu’auec vne de ſes armes on aſſome quelqu’vn, comme fut ceſte fille Tarpeïa, d’vn bouclier par les Sabins (ainſi que dit Scaliger ſur Varro.)
l’Avt. Par accident ce bouclier a ſeruy d’arme offenſiue, qui de ſoy n’eſtoit fait que pour ſe deffendre.
le cvr. Doncques en vne armée la prouiſion des armes eſt neceſſaire ?
l’Avt. Ouy, & me ſouuient auoir leu qu’en la deffaite de cette admirable armée du Sultan de Babylone, qui s’eſtoit ligué avec le Pape Gregoire IX. contre les Tartares, il y fut nombré quarante mille chariots chargés d’armes & equipages, & quarãte mille hallebardes garnies de fin or, & enrichies iuſques à la
