Parme pour eſtre penſez.
Armes. Arma en Latin, dénote generalement tous inſtruments de guerre, & toute choſe auec laquelle on ſe bat & deffend, comme en Virgile :
Iamque faces & faxa volant, furor arma miniſtrat.
Ia les falots de feu, les pierres & cailloux :
Voloient, & la fureur donnoit armes en nous.
Le Cvr. Mais Iſidore dit les armes eſtre generalement les inſtrumens de toutes choſes.
L’Avt. C’eſt improprement & par ſimilitude de ceux de guerre, comme on dit arma cerealia, les inſtrumens à moudre le froment, ruſtica, ceux des laboureurs : Ainſi diſons nous, les armes des Eſcoliers ſont les liures.
Le Cvr. Or d’où vient la vraye origine de ce mot, armes ?
L’Avt. Combien qu’elle ſoit de arma, ainſi que i’ay dit cy deuant : Neantmoins elle eſt du mot Hebrieu, aram, par tranſpoſition de lettres, ou de Charam, ſignifiant en Chaldée, Bellare, guerroyer.