DEFENSES DE LOVIS MEI-
grȩt touçhant ſon Orthographíe Françoȩze contre lȩs çenſures ȩ calomnies de Glaumalis du Vezelet, ȩ de ſes adherans.
Òme j’açheuoȩ de reuoȩr vn
trȩtté qe j’ey dreſſé çet yuȩr
touçhant la grammȩre Françoȩze,j’ey u çȩ’ derniers jours
nouuȩlles d’vn trȩtté intitulé
de l'Antique eſcripture de la
lãgue françoyſe & de ſa poeſie,cõtre l’Orthographe
des Maigretiſtes.Ȩ come je ne viſſe la,le nom de l’aotheur,j’ey tourné feullȩt,ȩ ey
trouué ao ſubſeqȩnt ȩ ȩn tȩ́te,q’vn çȩrteĩ Glaumalis
du Vezelet l’addreſſoȩt a Philippe le Brun
viçerecteur de Valẽçe.Mȩ́s come çe nõ me ſȩmblát
fort etranje,ȩ́ hors du cataloge de nós ſeĩs,dȩq’els nous auons de coutume lȩs ȩmprunter
comunemȩnt:ou bien dȩs Ȩmpereurs,Roȩ́s,ȩ
capiteines,ou aotres homes de gran’ renom,
dont lȩs hyſtoȩres nou’ portet temoñaje;je me
ſuys douté qe ç’etoȩt vn nom nouueao forjé de
vielle’ pieçes de qelq’aotre:tout einſi degyzé ȩ
renouuȩllé q’õt de coutume de fȩ́re lȩ’ fripiers
donans nouuȩlle forme,ao’ viels hallons. Parqoȩ
come je conſideraſſe la comune façon de
fȩ́re dȩ’ Françoȩs a çherçher qelqe bon rȩncontre
par vn nouueao aſſȩmblemȩnt de voȩs