APPENDICES.
A.
· · · · · · · · · · · · · · · · · · · · · · · · · · · · · ·
Et d’autant qu’une des choses quy poise le plus à Sadicte
Majesté, et à laquelle elle désire autant pourvoir et remédier, ce sont les incursions que se font sur la mer, par lesquelles le commerce est empesché entre les subgectz de Sa Majesté, dudict roy catholicque et autres princes ses amis et alliez, depuis que Dieu a remis la paix en ce royaume, Sadicte Majesté a cherché tous moyens pour y mectre ung bon ordre ; toutesfois, avecques son grand regret, elle ne le y a sceu encores trouver : car, combien qu’elle ayt commandé très-expressément que ceulx de ses subgectz qui commettoient ou estoient particippans de telles pyratteryes fussent chastiez et puniz, ce néantmoings ceulx qui veullent faire le mal se couvrent du nom du prince d’Orenge et se joignent avecques ses vaisseaulx, et, par ce moyen, demeurent impunyz.
Par ainsy, tant que les vaisseaulx dudict prince d’Orenge seront en mer, et courront, comme ilz font, sur les subgectz dudict roy catholicque, ausquels ilz font ouvertement la guerre, estant favo-
