Qual mangier asseoir font
Cels qui moult grant mestier en ont
Quant mangie orent si se lievent
Mais clamadeus et sa gent lievent
Qui la novele ja savoient
Del bien que cil dedanz avoient
Et dient quil lor en estuet
Raler. car li chastials ne puet
Estre pris en nule maniere
Er fait tot maintenant ariere
Raler. cel meisme message
Cü home bien enseIgne et sage
Sanz lor daltrui. et sanz conseil
Et mande al cheval. vermeil
Que jusqua midi lendemain
Le porroit seul trover el plain
Por conbatre a lui sil ose
Quant la pucele ot ceste chose
Qui a son ami fu nonciéé
Moult est dolente et correciéé
Que cil encontre lui demande
Quil lavra des quil le demande
La bataille coment quil preigne
Lors en sosche moult et engreigne
Li diels que la pucele fait
Mais ja por duel que ele en ait
Nen remamdra nient ce cuit
Moult li prient totes et tuit
Qua celui conbatre ne saille
Vos cui not pooir en bataille
Page:Chrétien de Troyes - Roman de Perceval le Gallois - MS 248.pdf/87
Cette page n’a pas encore été corrigée
