Page:Chrétien de Troyes - Roman de Perceval le Gallois - MS 248.pdf/48

Tot altresi con ge corroie
Non chaceir que ge avoie
Quen la maison ma mere pris
Et de vos armes biaus amis
Me redites que savez faire
Ge sai bien vestir retraire
Si con li vaslez menseïgna
Que voiant moi en desarma
Celui que ge avoie mort
Et si legierement les port
Que les ne me grievent de rien
Par lamedeu ce pris ge bien
Fait le prosdom et moult me siet
Or me dites si ne vos griet
Quil besoïgnz vos amena ca
Sire ma mere men seïgna
Que vers les prodomes alasse
Et que aeis me conseillasse
Prosdom ne fors conseille mie
Cest qui tiennent sa conpaïgnie
Sil creoient ce que lor diroit
Preu javroit qui le creroit
Li prosdom ne fors conseille mie biau frere
Beneoite soit vostre mere
Que le vos enseïgna moult bien
Mais volez vos plus dire rien
Quil. et quoi. tant et mesmes
Que vos me hebergiez huimes
Moult volentiers fait li prosdom
Mais que vos me doïgniez un don